Сүүлийн 15 жилд баригдсан хамгийн үнэтэй 15 тэнгэр баганадсан барилгууд

Тэнгэр баганадсан барилгууд нь олон талаараа тухайн хотыг илэрхийлж байдаг. Эдгээр барилгууд нь тухайн хотод ирж байгаа хүмүүсийн (агаараар, газраар, далайгаар) хамгийн эхэнд хардаг обьектуудын нэг бөгөөд тухайн хотын талаарх анхны сэтгэгдлийг төрүүлдэг. Тухайн барилгууд нь жуулчдын сонирхлыг ихээр татахын зэрэгцээ тус барилгуудад олон тооны оффис болон орон сууцууд байрладаг. Мөн түүнчлэн тухайн улсын эдийн засгийн чадавхи, соёлын нэг илэрхийлэл болсон байдаг. Америкт 1920-1930 онуудад хамгийн өндөр барилга барих өрсөлдөөн Empire State Building-г барьснаар эхлэсэн бол Азид Taipei 101-г барьснаар Азийн эдийн засгийн өсөлтийг илэрхийлсэн байдаг. Төслийн ач холбогдол болон өндөр төсөвтэй холбоотойгоор нэр хүндтэй архитекторууд тус төслүүд дээр ажилладаг. Тухайн хотын нэр хүнд, алдартай архитекторууд ажиллаж байгаа, орон нутгийн засаг захиргаанаас үзүүлж байгаа дэмжлэг зэргээс хамааран хөрөнгө оруулагч нар хөрөнгө оруулалтыг тэрбум тэрбумаар хийх боломжтой болдог. AD сэтгүүлийн зүгээс өнгөрсөн 15 жилийн хугацаанд барьсан хамгийн өндөр өртөгтэй 15 тэнгэр баганадсан барилгуудыг танилцуулж байна.